Запознајте ги партнерите

Fondacija hiljadu Zelja

- Земја: Србија

- Опис: Фондацијата е основана во октомври 2018 година од група членови на семејства на лица со аутизам. Тоа е невладина, непрофитна организација основана за остварување цели на општа благосостојба, подобрување на социјалната и здравствената заштита, подобрување на положбата на лицата со попреченост, грижа за децата, младите и возрасните. Посебни области на интерес во кои Фондацијата ги фокусира своите активности се прашањата за младите и возрасните со аутизам, односно домувањето, вработувањето и здравствената заштита. Дополнително, Фондацијата е посветена на едукација на семејства и професионалци, со посебен интерес за теми за кои недоволно се зборува или проблематични теми.

Веб страна:  hiljaduzelja.rs/

Sina Svetulka

- Земја: Северна Македонија

- Опис: Сина Светулка е непрофитна организација од РС Македонија основана во 2017 година врз основа на 15 годишно искуство во областа на аутизмот на основачите. Работиме на:                                                                     - Подобрување на квалитетот на животот на децата и лицата со нарушувања од спектарот на аутизмот и нивните семејства преку откривање и максимизирање на нивниот потенцијал; 

- Третман на деца и лица со нарушувања од спектарот на аутизам и нивните семејства; 

- Образование на семејствата и професионалците за методи на работа со деца и лица со нарушувања од спектарот на аутизмот и нивните семејства; 

- Промоција на правата и промоција на нови идеи за подобрување на квалитетот на живот; 

- Обезбедување на услуги за деца и лица со нарушувања од спектарот на аутизмот; 

- Поттикнување на научна и професионална работа во оваа област и

- Активности во насока на инклузија на децата и лицата со нарушувања од спектарот на аутизмот.

Покрај искуството со повеќе од 10 Еразмус + проекти, работиме и на проекти кои се финансирани од Владата и Град Скопје. Преку овие локални проекти овозможуваме одржливост на нашиот Центар за третман на деца со аутизам и поддршка на семејствата.

Нашата визија е да ги видиме луѓето со аутизам вклучени во сите сфери на општеството.

Веб страна:  sinasvetulka.mk/

VimodoHub

- Земја: Кипар

- Опис: Vimodo Hub е истражувачка и образовна организација со седиште во Кипар. Се стремиме да бидеме призната организација на пан-европско ниво во областите образование и обука, истражување и иновации, одржлив развој и општествени промени. Како одговор на социјалните, образовните и еколошките предизвици, наша мисија е да промовираме иновации и да ги зајакнеме општествените промени преку меѓусекторски и интердисциплинарен пристап, развивање и спроведување на истражувачки, образовни и технолошки проекти.

Веб страна: vimodo.com

Autismo Burgos

- Земја: Шпанија

- Опис: Autismo Burgos е непрофитно здружение и социјална иницијатива што го започна своето делување во 1984 година и чија цел е да ја унапреди благосостојбата и квалитетот на животот на луѓето со аутизам и нивните семејства. Нашето зружение ја исполнува оваа цел преку креирање, развивање и оптимизирање на потребните услуги за задоволување на специфичните потреби на лицата со аутизам. Работиме на развивање на постојана соработка со јавни и приватни образовни, социјални и здравствени институции. Покрај тоа, одржуваме блиски контакти со други здруженија посветени на социјални прашања и истакнати професионалци кои работат на полето на попреченоста генерално и особено на аутизмот. На регионално ниво, членка сме на федерацијата AUTISMO CASTILLA Y LEON. На национално ниво, членка-основач сме на Конфедерацијата AUTISMO ESPAÑA, а на меѓународно ниво, горди сме што сме членка на AUTISM EUROPE (моментално членка на Советот за администрација) и на СВЕТСКАТА ОРГАНИЗАЦИЈА ЗА АУТИЗАМ.                                                                                 

Веб страна: autismoburgos.es